Энэ хүрээнд Австралийн худалдааны хамгийн өндөр үнэ цэнтэй экспортын бүтээгдэхүүн болох төмрийн хүдэрт зориулсан нэгдсэн борлуулалтын суваг байгуулах асуудлыг хөндсөн гэж Австралийн Засгийн газрын өндөр албан тушаалтнууд баасан гарагт мэдэгдсэн байна.
Хятадын төмрийн хүдрийн төрийн өмчит худалдааны компани болох "China Mineral Resources Group" (CMRG) нь дотоодынхоо гангийн үйлдвэрүүдэд илүү ашигтай хэлцэл хийх, улмаар 132 тэрбум долларын өртөг бүхий далайн тээврийн зах зээл дэх хяналтаа чангаруулахын тулд уул уурхайн томоохон компаниудын эсрэг улам бүр хатуу тактик хэрэглэж байгаа юм.
Уул уурхайн компаниудын гаргасан энэхүү шахалт нь гэрээний урт хугацааны хэлэлцээрийн үеэр CMRG компани BHP компанийн зарим төмрийн хүдрийн нийлүүлэлтийг долоон сарын хугацаанд хар жагсаалтад оруулсны дараа өрнөж байна. Мөн CMRG компани нь зарим гангийн үйлдвэрүүдэд Fortescue компанитай төмрийн хүдрийн шинэ бүтээгдэхүүний талаар хэлэлцээ хийхгүй байхыг үүрэг болгожээ.
Австрали улс нь Хятадын төмрийн хүдрийн хамгийн том нийлүүлэгч бөгөөд тус улсын нийт импортын 50 гаруй хувийг дангаараа бүрдүүлдэг.
Засгийн газрын тооцооллоор төмрийн хүдрийн экспорт нь тухайн санхүүгийн жилд 114 тэрбум австрали доллар олохоор хүлээгдэж буй, тус улсын хамгийн өндөр ашигтай түүхий эдийн экспорт бөгөөд Хятад улс нь Австралийн худалдааны хамгийн том түнш тул Австралийн тал тус зах зээлийг анхааралтай ажиглаж байна.
Ийнхүү BHP, Rio Tinto Fortescue, Hancock компаниуд Австралийн Засгийн газраас Хятад улстай хийх төмрийн хүдрийн худалдааны гэрээ болон түүний нөхцөлүүдийг зөөлрүүлэх талаар дэмжлэгүзүүлэхийг хүссэн байна.
BHP компани өнгөрсөн дөрөвдүгээр сард CMRG-тэй хэлцэлд хүрсэн бөгөөд үүнд зарим борлуулалтаа юаниар тооцох асуудал багтсан байна.
Хятад улс одоогоор Fortescueкомпанитай хэлэлцээ хийж байгаа бөгөөд энэ оны сүүлчээр Rio Tinto компанитай гэрээний хэлэлцээг эхлүүлнэ.
