Энэ 7 хоногийн Лхагва гарагт Пакистаны Белужистан мужид байрлах "National Resources Ltd" компанийн зэс, алтны уурхай рүү зэвсэглэсэн этгээдүүд халдаж, 9 хүн амь үрэгдсэн тухай орон нутгийн эрх баригчид мэдэгдлээ.
Белужистаны баруун өмнөд хэсэгт орших Даригван талбайг эзэмшдэг Пакистаны "National Resources Ltd" компанийн уурхайд уг халдлага Лхагва гарагийн орой болсон бөгөөд аюулгүй байдлын хүчнүүд тухайн бүс нутгийг хамгаалалтад авсан гэж мэдээлэв. Амь үрэгдэгсдийн дунд аюулгүй байдлын хоёр хамгаалагч байсан байна.
Белужистан бол Пакистаны баруун өмнөд хэсэгт орших, Афганистан болон Ирантай хиллэдэг, ашигт малтмалаар баялаг бүс нутаг юм.
Barrick Mining компани аюулгүй байдлын эрсдэл нэмэгдэж байгаатай холбогдуулан тус бүс нутаг дахь Реко Дик (Reko Diq) зэс-алтны төслийн хяналт шалгалтын хугацааг сунгана гэдгээ өнгөрсөн сард мэдэгдсэн байна.
