Тоглолтын хувь заяаг 91 дэх минутад шийдсэн Микель Мерино-гийн цохилт Испанийн хөгжөөн дэмжигчдийг баярлуулж, харин Португалын домогт ахлагч Cristiano Ronaldo-гийн ДАШТ-ий түүхэн замнал өндөрлөх мөч болов.

Хоёр баг бүтэн 90 минутын турш хамгаалалт төвтэй, алдаа багатай тоглолт үзүүлсэн ч шийдвэрлэх мөчид Испанийн довтолгоо амжилттай болж, Мерино торыг хөдөлгөсөн юм. Энэ ялалтаар Испани шөвгийн наймд шалгарч, цомын төлөөх өрсөлдөөнөө үргэлжлүүлэх эрхтэй болов.

Тоглолтын дараа Cristiano Ronaldo хэвлэлийн бага хурал дээр энэ нь түүний сүүлийн ДАШТ байсан гэдгийг баталлаа. 41 настай довтлогч ирээдүйгээ бүрэн шийдээгүй байгаа ч гэр бүлийнхэнтэйгээ ярилцсаны дараа шигшээ багаас зодог тайлах эсэхээ мэдэгдэнэ гэв.

“Би бүхнээ зориулсан. Хөл бөмбөгийн ДАШТ-ийг хожигдож өндөрлүүлж байгаа даа гунигтай байна. Гэхдээ энэ бол хөл бөмбөгчиний амьдрал. Хожих эсвэл хожигдох нь бидний амьдрал.” хэмээн хэлжээ.

Роналдо дэлхийн аваргын таван өөр тэмцээнд оролцож, Португалын шигшээ багийн бүх цаг үеийн мэргэн буучийн амжилтыг эзэмшдэг. Гэвч дэлхийн аваргын цом түүний карьерын цорын ганц биелээгүй мөрөөдөл хэвээр үлдэж байна.